金髮藍眼索女雅曼達施菲（Amanda Seyfried）拍戲向來無底線，肯為藝術犧牲，在大銀幕全裸，甚至露兩點演舞台劇都試過。不過，雅曼達日前宣布結婚「封盤」，日後演出可能冇咁搏！
雅曼達天生金髮藍眼，絕對靚女，仲擁有32D、26、33的Fit爆身材，以往曾跟不少型男包括阿歷山大沙格（Alexander Skarsgard）及祖殊夏利（Josh Hartnett）等拍拖，直至近年可能想搵老公，男友質素就......見仁見智啦！去年跟拍拖兩年的諧星Justin Long分手，當一眾宅男以為女神離結婚又遠一步時，轉個頭今年9月雅曼達就與拍拖僅半年的40歲美國男星Thomas Sadoski火速宣布婚訊，荷里活又多一位女神「封盤」！
除了夠索，雅曼達亦能歌善舞兼有演技，以往不少作品如《媽媽咪呀!》（Mamma Mia!）及《孤星淚》（Les Miserables）等都要展示非凡歌喉，而且講到為藝術犧牲，更是義不容辭，絕不扭擰！雅曼達拍戲出名冇底線，跟金像影后茱莉安摩亞（Julianne Moore）合拍《色破孽緣》（Chloe）時，就已全裸床戰茱莉安，大玩不倫斷背情，畫面極盡香艷；拍攝《深喉女神》（Lovelace）時，為了演活四仔女星洛夫萊斯（Linda Lovelace），更加豪放大膽，當中涉及不少情色場面，令人咋舌。除了大銀幕之外，雅曼達演舞台劇《The Way We Get By》在台上半裸換衫，唔打底露兩點，對手便是「準老公」Thomas，令觀眾睇到嘩嘩聲，相當專業！
雖然Thomas已經見識過雅曼達咁搏，但婚後會否禁止老婆拍裸露戲，咁就真係好難講喇！
除咗仙氣，雅曼達仲出晒名有愛心，是愛狗之人。日前她為愛犬Finn搞生日派對，慶祝牠7歲生日。派對一啲都唔求其，有齊氣球、蠟燭同生日蛋糕，Finn仲戴埋頂生日帽，坐喺櫈上乖乖影相，成個人咁樣，不知幾可愛！雅曼達留言：「7歲快樂呀！最好嘅朋友。」
原名：Amanda Michelle Seyfried
出生地：美國
出生日期：1985年12月3日
代表作：《Mean Girls》、《Mamma Mia!》及《孤星淚》
情史：Justin Long（2013–2015）、Thomas Sadoski（2016至今）
文：外娛組