藝人高鈞賢於內地發展愈戰愈勇，機會甚多，現時於內地無錫為經典劇集《包青天》埋尾拍攝的他，每天拍攝超過十四小時，由於他飾演展昭一角，開劇至今差不多每天都吊威吔拍打戲，手臂都損晒，不過高鈞賢說：「都好值得，因為呢個係正版展昭角色，全國都好關注呢套劇，所以辛苦得嚟都感滿足。」問到是否賺到錢就置業買樓？他說：「都有計劃嘅，自己都鍾意上海，所以之後會香港、上海兩邊住，等我再努力啲先，依家上海啲樓都好貴，繼續儲多啲先。」現時在內地做出不少成績，之前高鈞賢更獲雜誌《時尚芭莎》邀請拍攝，與憑內地劇《琅琊榜》及《偽裝者》爆紅的女星王鷗齊齊拍攝，頓時升格。