洪永城High抱傅嘉莉濕晒！

藝人洪永城（Tony）和傅嘉莉（Kelly）前晚在電視廣播城拍攝無綫新劇《我瞞結婚了》八號風球水浸屋、要英雄救美的場面。期間，他們High爆不停玩水互潑，Tony更被潑至全身濕透，之後他懶理女友唐詩詠會否呷醋，影合照時竟當眾抱起Kelly，搞到女方露出驚青樣！事後Tony接受電話訪問，被問到會否怕女友嬲豬兼扭他耳仔，他即說：「做嘢啫，都係做番場戲要做嘅嘢。（事前有冇同佢講？）有，我哋經常講工作上嘅嘢，互相分享番啲經歷。」

「每個人都有過去」

為了拍這場水浸屋戲，無綫特別花了近廿萬搭景，現場既用吊臂又有水車，所以Tony說十分期待這場大製作！問現實中可曾試過英雄救美？Tony說：「試過喺零下雪地度，架車死咗火，我落車推，前女友喺架車度撻車！」又謂不擔心前女友的事會令現任女友詩詠不滿，他說：「每個人都有過去。」

洪永城、傅嘉莉	（左起）：洪永城、傅嘉莉、李綺雯 幾個藝員大唔透玩潑水。	無綫揼本用十幾廿萬搭個水浸景。

與「小三」水中激吻

講到水浸戲，還會拍Tony和Kelly一吻定情，問到場面可會激烈？他即笑說：「都幾激o架，唔排除喺水中激吻！」而Kelly則自爆會主動攬錫Tony。談到Tony與黃翠如在劇中才是夫妻，Kelly是第三者，問到Tony與翠如又有否親熱戲？他說：「都係正常夫妻嗰啲啦，攬攬錫錫啦，電視尺度都唔大！」

文：影視組