定欣傷腳入院陳展鵬緊張
胡定欣前晚於電視廣播城錄影廠內為新劇《同盟》開工，拍攝前她與武指師傅排練，卻不小心左腳拗柴，更「啪」了一聲，最蝦碌是起初定欣還未反應過來，更問同場的陳展鵬：「頭先係咪啪一聲呀？」展鵬答：「係！」她才大叫好痛。事後監製文偉鴻陪定欣入醫院檢查，醫生指沒有傷及筋骨，定欣現時已停廠休息，過兩天看情況才決定是否復工。昨日她受訪時坦言之後開工都只能拍文戲，動作場面要稍後拍攝，她憶述受傷情況：「自己一時心急，落地時偏咗，當時就好似啲沙炮聲咁啪一聲，都唔敢郁，即刻坐喺地下，劇組同事幫我敷冰，因為我行唔到，所以Call咗十字車，好在照X光後冇事。（展鵬護花不力？）唔關佢事！佢係一個好好嘅拍檔，大家互相照顧，佢對住我女仔都會好緊張，唔想整親我。」
