現年36歲的何嘉莉，雖然曾經歷離婚，並育有一子，但去年閃電再婚，婚後與機師老公甜甜蜜蜜，日前兩公婆孖住行超市狂掃凍肉，似是準備回家開大餐。兩人買完肉再揀埋酒，只見何嘉莉意見多多，不時指手畫腳說個不停，老公亦一度踎晒地幫手揀，及至買完餸，兩人有傾有講地齊齊往付款，然後一人一袋，老公搭住佢膊頭，黐到實恩愛地返屋企。
