戴凱欣牛一Bobby 方中信爭咪獻唱

前日是四洲太子女戴凱欣（Kennis）40歲生日，好友羅氏針織後人羅可旋、名模周汶錡、前藝人王馨平、名媛黃美儀和時裝設計師何國鉦等齊齊為她慶生。而歌手楊千嬅、藝人歐陽震華（Bobby）及方中信，更即興上台為壽星女獻唱。Kennis全程與上海金融才俊男友樊林爽如糖黐豆般晒恩愛。壽星女更自製精裝紀念冊送給每位賓客，內裹集齊身邊好友的合照，封面靚相則由何國鉦操刀拍攝。何國鉦透露：「之前Kennis同佢男友去咗日本富良野，我幫佢哋影咗輯靚相，佢好有心思整咗本書送畀每個朋友，大家收到都好鍾意。」