加埋165歲黃夏蕙床戰江圖

資深藝人黃夏蕙、江圖、性感女星艾美琦等昨日一同現身旺角街頭拍攝微電影《假如我要走》，並將於11月首映。江圖表示很高興能再次與黃夏蕙合作：「我第一部戲係同夏蕙姨合作，一直冇機會再合作，我哋平時成日出去做義工，最後決定復出一齊拍。」經理人Simon表示現年85歲的黃夏蕙將與近80歲的江圖為另一電影拍床上戲，問到會否事前與黃夏蕙綵排？江圖表示：「其實部戲仲構思緊，Simon都未同我講，我哋呢啲老戲骨唔使喇，大家咁熟。」