「破壞王」肆虐家居萬綺雯愛心融化愛犬
藝人萬綺雯（蚊蚊）透露早前家中添了新成員，就是一頭柴犬Yumi，雖然愛犬經常發脾氣，咬爛她的衫裙，但蚊蚊表示有信心以愛心馴服狗狗。
萬綺雯昨日以「皮膚健康教育大使」身份出席活動，分享護膚心得之餘，又透露近日弄犬為樂。愛貓成癡的蚊蚊，曾飼養六隻貓咪，不過在短短一年多時間中，愛貓相繼離世，令蚊蚊大受打擊，每次想起愛貓都眼濕濕，坦言不考慮再養寵物。
走出陰霾的蚊蚊，透露近日有新成員加入，她說：「我養咗隻柴犬，叫Yumi，佢歲零左右，之前中秋節我同老公（陳十三）出去食飯，返到屋企發現Yumi咬爛屋企啲雜誌，搞到成地紙碎，佢嬲我哋唔帶佢去街呀！佢平時都好鍾意咬嘢，我好多裙、圍巾同啲布袋都畀佢咬爛咗，我唔嬲，呢啲身外物啫，我希望用愛心融化佢，呢排我就同工人姐姐夾緊假，因為我同老公想過年去旅行，但我哋唔捨得擺Yumi去狗酒店，所以要搵工人姐姐幫手。」
笑老公曳曳
蚊蚊又笑言老公「曳曳」，她說：「我係注重皮膚健康嘅人，一年365日都搽防曬。（老公受你薰陶？）佢好曳呀，可能男仔啦，我買畀佢啲產品佢擺晒喺度唔用，不過佢平時冇乜戶外活動，但佢同我去旅行陽光與海灘都會肯搽嘅，我都好安慰！」
文：影視組