張曦雯 李佳芯結義金蘭
藝人李佳芯（Ali）、張曦雯（Kelly）、黃智雯及曹永廉等昨日出席無綫新劇《律政強人》宣傳活動，方中信因身體不適缺席，廖啟智亦未有到場。首次擔正女一的Ali對劇集今晚播出，直言有如患上產前抑鬱，有不安及失眠感覺，問她可有被方中信鬧過做得差？她說：「方Sir好厚道嘅，當面講嘅話我咪做得好差？不過佢會畀我揀，叫我試吓另一啲方法去做！」
劇中Ali與Kelly、黃智雯有深厚的姊妹情，首次拍劇的Kelly在電話中表示，戲裏戲外與Ali都老友鬼鬼，當然支持做女一的好姊妹，問到可想與Ali結義金蘭？她說：「都可以諗吓，我哋感情在心中！」她又說方中信很錫她、為人友善：「佢氣場好勁，知我緊張，同我對戲嗰陣特登唔望我，唔想畀壓力我，令我可以放鬆啲去做。」
黃智雯隊酒拍戲
因病缺席的方中信在電話中表示腸胃不適，屙足四次，對於Ali與Kelly對他讚不絕口，他說：「佢哋都乖，係演技幼嫩啲，每個人都需要磨練o架啦！開頭佢哋都怕我o架，我咪主動打開話題囉！」10月他會度期出席劇集宣傳。
黃智雯與Ali、Kelly有一場傾心事戲，為了更投入，一支紅酒三人飲，飲到high high哋：「我飲一杯塊面都紅晒，我哋咪喺度傻笑囉！」同場的曹永廉笑言男主角冇到場，就要靠女星撐場，卻嫌她們穿得太密實！
文：影視組