「楊明只會同我度蜜月」莊思明水着上陣霸氣反龔

楊明與莊思明一齊踩單車，大玩甜蜜蜜。

圈中「閃光彈」楊明與莊思明自戀情曝光後一直愛得高調，經常在網上隔空傳情，羨煞旁人。不過，楊明近日與曾傳緋聞的龔嘉欣雙雙現身機場時，與記者撞個正着，二人當時表現得神色緊張，嘉欣更突然爆出一句：「唔好話我哋度蜜月呀！」雖然二人後來澄清是到外地登台工作，但都引起不少議論。

對於嘉欣一番話有「挑機」之嫌，女友莊思明接受訪問時霸氣反擊，她說：「我知道佢出埠，唔只佢兩個，仲有其他人，佢一半公一半私，私事係乜唔方便講，同埋我相信如果楊明去度蜜月，都只係會同我去！」問到會否覺得嘉欣向她挑機？思明表示二人見面時亦有傾有講，其實楊明與嘉欣已多次合作拍劇，傳過緋聞的二人曾回應是「兄弟情」，笑言是瘋狂粉絲太投入劇情罷了。

莊思明索晒泳衣照，不讓龔嘉欣專美。

楊明與龔嘉欣出埠，竟惹來兩女暗戰。

與楊明首次旅行

而思明近日在社交網晒索爆泳裝照，順勢向嘉欣「反擊」，問到是否出動撒手鐧箍男友？思明表示：「係同楊明去泰國旅行期間影嘅，今次係第一次同佢去旅行，原來我『雨神』都唔係浪得虛名，期間都有幾日落雨！（男友介意你着得少？）佢又冇乜嘢喎，咁大家一齊旅行，佢冇乜所謂。」

文：影視組