佛山巡唱阿Sa唔咀阿嬌無影腳顯功架
組合Twins前晚於佛山舉行世界巡迴演唱會，繼上次深圳站的演出中當眾深情咀嘴後，佛山站的歌迷起哄要她們再次咀嘴，更有人舉燈牌「唔咀唔畀走」，不過蔡卓妍（阿Sa）拒絕：「上次咪講只此一次囉！又咀？唔好啦！」為「入鄉隨俗」，她就提議讓鍾欣潼（阿嬌）即場表演佛山無影腳：「嚟到佛山，不如我哋嘅打女嬌表演一下佛山無影腳啦！嚟嚟嚟，我哋做一次葉問畀大家睇！」阿嬌表示擔心會踢親阿Sa，但阿Sa笑說：「我識避吖嘛，即管放馬過嚟！」阿嬌即踢起腳跨過阿Sa的頭，令全場觀眾歡呼！
踩裙尾險跌
當唱到《相愛六年》時，阿Sa突然感觸落淚，連阿嬌亦被感染哭起來。演唱會過後，阿Sa解釋指這首歌很催淚，她們曾努力練習忍淚，本已有免疫力，但可能因中秋受月圓月缺影響，令她在台上不禁落淚。
講到中秋節，阿Sa表示與朋友玩燈籠，而阿嬌則去練泰拳，又透露在台上踢腳後差點跌倒：「因為我踢完踩到自己條紗裙尾，差啲成個跌低。」而Twins接着將繼續舉行上海、澳門等地的巡唱，兩人做網上直播時，有網民提議到汶萊開騷，阿Sa叫好，並說：「打電話問吓吳尊會唔會投資，約埋佢一齊唱！」
文：音樂組