方力申做魔鬼評判鬧喊佳麗

身為ViuTV《選美D.n.A》評判的方力申，昨午與一眾佳麗會見新聞界，期間佳麗們以運動Top上陣玩瑜伽，引來不少龍友拍照。

小方自爆在東京拍外景時，見盡佳麗們的缺點，試過開口喪鬧人，搞到她們淚眼連連，小方直言：「佢哋有啲自以為有知名度、網絡紅人，態度唔認真，所以咪鬧囉！有啲我直情唔畀機會就淘汰咗，當然依家唔講得住。我覺得雖然外在條件好，但做藝人都要講實力嘛！（搞喊人？）我不知幾爽，佢哋太自我中心。（依家感情生活點？）空白一片囉！（冇佳麗啱你？）本來諗住參與呢個節目開心啲，點知發現晒佢哋啲嘢，有啲食嘢『jip jip』聲，又有啲結埋婚、生埋仔，下次搞單身選美會好啲囉！」

張沛樂放閃箍仔

早前在日本外景時，在大會的Facebook直播內，見到小方不停黐住(5)「沙律」張沛樂，而沙律亦拆飯糰畀小方食，二人態度親暱。有網友發現後，就留言叫沙律小心。小方澄清：「唔會喇，我已經公開講過，自己擇偶條件要單身，佢有男友嘛！」沙律同樣否認緋聞，更放閃向記者表示：「我喺日本買咗頸鏈畀男友做手信。（箍住佢？）哈哈，佢鍾意戴鏈。」當記者要求小方與沙律合照，小方表明不會特別與個別佳麗合影。

張沛樂拍外景時與小方有親密接觸，事後強調唔過電。	許珮榆承認胸前加了陰影營造效果！	被指與陳意嵐（左）爭位的歐家裕已退選。

許珮榆認「打假波」

同場疑似「打假波」的(8)許珮榆，被發現胸口打上陰影，更主動坐低拍單人照。事後她靦腆稱：「我戴咗隱形胸圍嘛。（打陰影？）咁聰明嘅？少少啦，佢哋唔係E就F，我得D仲唔比下去咩？我想靚，唔想肚腩大過胸。」

至於被傳鬆(月爭)爭位而不和的(1)歐家裕及(2)陳意嵐大方合照，歐家裕表示已退選，今次現身只為協助宣傳。另有佳麗於泰國外景期間失竊，(15)馬倩宜代答：「淨係唔見錢，好彩我冇換錢，連電話都喺度冇唔見。」

文：影視組