爆喊：佢做咗對我唔住嘅事
張致恒（Steven）背莊端兒（Xenia）偷食，身為女友的Xenia昨日受訪時踢爆對方曾做過對唔住她的事，並表示早與Steven分手多個月，她在電話中一度嗚咽說：「幾個月前係佢同我提出分手，因為做咗啲對我唔住嘅事，唔交代係覺得唔需要同任何人交代。（對唔住嘅事係咪出去溝女？）係。」當問到是否發現對方多次出軌？Xenia嗚咽說：「唔講，兩個人一齊要磨合。」
雖然與Steven情已逝，但仍大讚對方是好人，Xenia說：「佢份人幾好，但做男朋友就唔適合，同佢做唔到情侶，都可以做朋友。（傷心？）之前好傷心，依家已經好好多，都知會有呢一日，雖然做定心理準備，不過打嚟問都幾突然。」由於兩人之前被影到攬實去街，完全不似分手，Xenia解釋：「嗰時已經分咗手，只係應承小朋友帶佢去跳彈床。（依家單身？）係。（有人追？）有，不過唔想拍拖住。」對於Steven大方承認有追過Doris，Xenia說：「唔知，冇同佢了解，唔想畀壓力佢。」