唐詩詠晒Bra拋胸：極限一路推低！

更多新聞短片

唐詩詠預告將來的衣着可能更性感，令人期待。

唐詩詠、陳展鵬和袁偉豪昨日搶先到尖沙咀3 Shop出新一代iPhone，唐詩詠以激罕「台慶級」中空透視裙晒Bra谷湯碗胸，就算樽領薄紗包到上頸，都仍然極度吸睛。她受訪時笑指絕非性感極限：「個極限一路推低，但暫時都未夠膽真空。」問到事前有否讓男友洪永城過目？她指對方看新聞會知：「靚就得o架喇。」並指洪永城不關心她的衣着，只提醒她記得揀雙鏡頭的新手機：「但我都係揀錯咗。」她又謂各有各忙，未有機會同度中秋佳節：「咁大家都喺同一個天空下，都OK嘅。」

袁偉豪同展鵬談戀愛？

最近有指袁偉豪已向女友岑杏賢求婚，雖然雙方否認，但袁偉豪承認有客戶想找他影婚紗相：「但未去到要影嘅階段，希望到有需要時佢哋會幫忙。」提到他與陳展鵬被指「HeHe味濃」，問是否有人請他們影「男男」婚照？陳展鵬笑謂：「男男唔得，係都等到香港合法化先。」更自爆有網友以他們的形象創作BL（Boys' Love）同人漫畫（講述男與男之間的戀愛漫畫）。問到成為另類幻想對象會否反感？陳展鵬笑言：「我OK o架，望過個漫畫，畫功唔錯。」　

陳展鵬（左起）、唐詩詠與袁偉豪出席手機活動。	唐詩詠側身露東西半球，非常吸睛。	大批粉絲到場支持陳展鵬。

• 洪永城

文：影視組