張舒雅寧愛矮仔拒嗒老外

單身的張舒雅表明不會考慮外籍男士，寧鍾情較自己矮小的本土出品。

前港姐張舒雅、莊思明、模特兒湛琪清、歌手劉威煌等，昨日出席淳生國際有限公司—淳生牛樟芝膠囊於中環MOMOTARO餐廳舉行的產品發布會。張舒雅穿上透視tube top露纖腰，十分養眼，透露現主力打理家族珠寶生意，冇再做幕前。雖然貴為太子女，但設計仍要得到審批，問到將來結婚會否自己設計婚戒？她笑言：「應該唔會，結婚戒指梗係人哋送。（依家有冇拍拖？ ）冇呀，都多過一年冇拍拖。（要求高？）唔係我要求高，係我太高（高度），唔着鞋都5呎10，着咗鞋有6呎，不過如果男友矮過我都ok。」問到會否考慮搵外籍男友？她說：「我個人又唔喺外國，覺得心靈上溝通唔到，可能大家文化唔同，傾唔埋，做朋友就得，最重要合眼緣，但未遇到。」她又指對於現屆港姐沒甚研究，但對十優麥明詩較有印象。

莊思明常放閃 惹人眼紅

而正與楊明熱戀的莊思明長期放閃晒恩愛，笑言要將感情事低調：「出親街都畀人話閃親人，好多人眼紅，好似家姐（莊思敏）成日問我哋做乜啫？（叫楊明介紹男仔畀佢？）其實佢之前有叫佢（楊明）介紹，不過我就覺得呢啲嘢應該隨緣。」

正值熱戀期的莊思明，不時與男友楊明大晒恩愛。	楊明、莊思明	品牌董事高偉國（前左二）表示自吃了牛樟芝膠囊後，健康明顯有改善。

品牌創始人及董事高偉國自己從事多種生意，包括餐廳、酒及腕錶等，由於業務繁忙，經常睡眠不足，故吃很多健康產品。

文：名人組