楊斯捷癡戀孫耀威摸胸唔夠喉
樂壇新人楊斯捷（Phoebe）早前找來男神孫耀威擔任其新歌MV男主角，首次合作緊張又尷尬，拍攝期間一直NG的她，拍攝推孫耀威胸一幕竟然一Take搞掂，她說：「好唔開心，諗住推多幾下、摸多幾下o架嘛！」
由內地轉戰香港發展的樂壇新人楊斯捷（Phoebe）加盟天盟娛樂公司，早前找來前輩孫耀威為其新歌《痴戀》拍攝MV，首次參與微電影式拍攝的她坦言既緊張又尷尬：「孫耀威係男神，其他人摸吓佢都難，今次仲要擔任MV男主角，佢好專業，帶住我入戲同指導，慢慢熟咗。（親熱鏡頭？）有，好尷尬！」Phoebe指尤其推開對方的一場戲：「佢好專業咁話：『斯捷，你直接推我個胸啦！』當時好似打咗強心針，之前一直NG，推佢個胸嗰次就一Take搞掂，好唔開心，諗住推多幾下、摸多幾下o架嘛！」
想同偶像謝霆鋒合作
Phoebe表示拍攝過後有戲癮，如有演出機會亦會嘗試。問到最想合作的藝人，她坦言視謝霆鋒為偶像：「佢係非常全能嘅演員同歌手，愈大愈有男人味，而且做生意好成功。」她指以前夾Band也有演繹過霆鋒的金曲，繼而道出當年不快的回憶：「夾Band會有拗撬，以前夾女Band每人有自己意見，又唔肯讓步，女仔到咁上下年紀會想結婚組織家庭，好易會動搖，好難行落去。試過夾男Band都會有，但玩Band嘅男仔自尊心強啲。」
談到感情生活，尚是單身的Phoebe自言並非「愛情第一」的女生，認為追求夢想最重要：「感情隨緣，我會睇對方嘅內涵及共同愛好，要懂得體諒及支持我，同圈外人拍拖始終有代溝。」
服裝：nana
化妝及髮型：mimilaumakeup
文：專案組