連詩雅咀周柏豪冇Surprise
歌手連詩雅日前到電台宣傳新歌《一走了之》，透露之前特地為演唱會染了粉紅色頭髮，但為拍戲要染回深色頭髮，大呻不捨得。她透露在新戲飾演乖女，跟同門師兄周柏豪扮演情侶，第一日開工就要拍喊戲及咀戲：「拍喊戲要醞釀情緒，但柏豪成日過嚟引我笑，我都叫佢唔好同我講嘢。（拍錫戲有冇尷尬？）個錫唔激烈，只係普通錫。（對到佢厭？）唔可以話厭，係個感覺變咗冇咁Surprise，佢係好似哥哥咁，完全冇尷尬。」
另外，講到有指柏豪約滿華納後會轉去蕭定一新Label旗下，她表示知道此新聞：「但我冇問佢，好多嘢係謠言，我又未收到公司通知，不過依家我哋Starz People都係同蕭定一有合作，間接大家Under同一個Family，但佢做咩決定都好，我呢個師妹或朋友都會支持佢。」