鍾舒漫瘋了：好多黐線嘢可以做！
歌手鍾舒漫日前撇甩妹妹鍾舒祺，邀請師妹許靖韻（Angela）一同舉行小型演出，她笑言不怕妹妹呷醋，反而大呻被對方嫌長氣！而Angela完成大學課程即為新歌錄音，她坦言能出唱片已是最好的畢業禮物！
歌手鍾舒漫（Sherman）與師妹許靖韻（Angela）日前在書店Jam歌，Angela大展音樂才華，分別以結他、電子琴及木箱鼓演出為Sherman伴奏。Sherman表示見證Angela由讀中學到今年大學畢業，大讚對方有主見及有個人風格，視對方如細妹一樣。問到不怕親細妹鍾舒祺呷醋？她笑說：「唔會，佢成日叫我唔好煩佢，嫌我長氣。」
大學畢業收厚禮
而Angela於6月已完成學業，將會推出第二張唱片的她指這是畢業最大的禮物：「畢業之前我成日一見到啲同學，就問佢哋有冇搵工，佢哋會話我係咪『潤』佢哋，因為我有嘢做，6月就即刻錄歌，投入自己一直好鍾意嘅職業，好幸運！」
Sherman表示雖然近日仍在宣傳新歌，但自己有很多瘋狂的想法，希望盡快開始下一個工作計劃：「我個腦成日Run好多嘢，諗有咩可以玩，有咩新鮮感畀大家，我覺得世界個Trend太快喇！但對我嚟講係好事，好多黐線嘅嘢可以做，可能係啲網上世界嘅嘢，同人互動，畀大家睇到立體嘅我哋。」Angela認同網上平台的重要，又笑言覺得自己生活圈子太窄，希望認識更多網絡紅人，與他們合作：「因為我讀書識嘅人都係學校嘅，我仲要係讀Finance呢，識嘅都係着西裝嗰啲，依家多咗時間出嚟，我真係想識一啲網絡紅人，同唔同圈子嘅人一齊玩，有多啲火花！」
文、攝：音樂組