鄧佩儀公主病發拋胸收兵
前華姐鄧佩儀（Gloria）最近忙於拍攝無綫劇《不懂撒嬌的女人》，跟唐詩詠、孫慧雪及林秀怡有大量對手戲，四人一拍埋即充滿活力嘈喧巴閉，非常熱鬧！
劇中Gloria的角色有嚴重公主病，會以性感裝扮「收兵」，問到身穿低胸裝會否感尷尬？她笑說：「唔會呀！啲場口好搞笑，套戲係喜劇，可以放膽試吓唔同嘅演繹方式，公主病發作起嚟係得意！我現實性格係完全相反，可能我外國返嚟，比較似鬼妹仔爽朗性格，就係因為差別咁大，我演得更享受。」講到跟前輩宣萱合作，Gloria直言早已看過她以前的作品，大讚對方勁親切。
