陳庭欣陪張名雅出嫁核突嘢唔玩得
港姐張名雅今早出嫁，晚上設婚宴，昨日她於社交網上載與律師未婚夫Joe的頭貼頭恩愛合照，留言叫大家「早啲到」。昨晚她依足傳統不會跟未婚夫見面，連Facetime都不玩。張名雅的姊妹團陳庭欣（Toby）、何傲兒及唐貝詩等都悉心扮靚陪嫁。
唔驚身材走樣
Toby日前試姊妹裙，她透露準備了絲襪、石春路及比堅尼泳衣等道具玩新郎及兄弟團。她說：「我哋梗係想玩盡佢啦！名雅好錫老公，唔畀我哋玩啲核突嘢，所以我哋諗啲遊戲都盡量唔令佢哋流晒大汗同整污糟晒啲衫。」她指名雅心情愈來愈緊張，不過皮膚仍然keep得靚，日前與準新娘及一眾姊妹團shopping買道具，更齊齊食雪糕，不擔心身材走樣。
第二次做姊妹的Toby未有恨嫁的心，反而想幫手做司儀。她笑指經常擔任婚禮司儀，很熟悉整個流程：「啲朋友結婚成日問我個流程係點，我就話唔使擔心，我有齊晒啲rundown可以一次過send畀佢哋，所以我好在行o架 。不過名雅知我哋做姊妹已經好忙，所以今次唔使我幫手做司儀。」
服飾：Brenda Lo Atelier