周柏豪幫「二奶」換新裝

周柏豪向來愛車如命，擁有不少靚車的他視座駕如「二奶」一樣，日前他更撇下正印女友Stephanie，於九龍城的車行為其約百萬港元的平治四驅車扮靚。當日傍晚五時許，戴上帽的柏豪駕駛「二奶」到車行，見他與車行職員傾了一輪，要求為「二奶」貼上全新玻璃貼，清楚交代後柏豪才由友人驅車接載下離開。約兩小時後柏豪折返接回「二奶」，前往付款時見他與職員講到雞啄唔斷，似乎是該處的熟客仔，取車時他見記者在場，即急急上車揸住「二奶」速閃。