被麥明詩分手？林作冇認過男女朋友

港姐麥明詩前晚正式將男友林作「降呢」做朋友，林作昨日出席甜點店活動時，被問到是否正式分手？他說：「佢講嘅嘢我保持一致。（佢話你哋係朋友？ ）我採納，基本上我哋都冇喺任何場合講我哋係男女朋友關係。（你媽咪認定佢係新抱？）我媽咪講嘢出名亂噏，信佢一成就得，太多呢啲嘢，成日問你哋唔煩我都煩！」問現時是否可以到蘭桂坊夜蒲？他說：「我由頭到尾都冇變，人生自由好重要。（以前唔自由？）我不嬲好自由！」對於麥明詩日前受訪時哭，他不作評論，強調兩人是朋友，仍有聯絡。