劉明軒控訴因小事三度遭趕離家
前有線主播劉明軒三年前與任職保險高層的王傲山結束不足一年的婚姻，雙方各有新開始，但昨日劉明軒被問到離婚原因時，大爆曾被對方因小事三度趕出家門！面對前妻種種指控，剛做爸爸的王傲山一於懶理，專心湊B！
劉明軒（Vivian）與前夫王傲山2013年結婚，不足一年便離婚收場，兩人離婚後始終未有交代原因。而今年王傲山亦已再娶，前幾日太太Janny更為他誕下八磅半男B。原以為大家都有新開始，怎料劉明軒昨日受訪被問到離婚原因時，竟驚爆曾遭前夫趕出家門三次！
「還有更惡心的事」
Vivian直言三次都是因一些小事被趕，更試過清晨被前夫用床頭燈照醒來嘈交，令她身心俱疲，直至她第三次被趕出家門，之後打算回家與王傲山傾，卻發現對方已計劃搬走，令這段婚姻徹底破碎！對於前夫婚後判若兩人，Vivian直言有其他原因令她難以忍受：「還有其他令老婆更惡心的事，不只脾氣問題，同佢個人情緒、精神、修養、背景都好有關係。」至於甚麼是「惡心的事」？Vivian則未有回應。
問到離婚期間，前夫有否繼續惡言相向？Vivian說：「一切都交咗畀律師處理。」目前單身的她坦言比結婚那一年更快樂，亦感激家人與朋友一直支持。
冧讚現任太太叻
反觀剛做爸爸的王傲山懶理前妻劉明軒的「指控」，只忙於湊B，他說：「我唔回應過咗去嘅事。（心情受影響？）唔會，我都冇睇，唔得閒睇。（因為忙住湊B？）係呀。」又大讚現任太太叻：「生完第二日就落到床行路。依家太太三、四個鐘就要餵一次奶，我要陪佢。」
問傲山會否擔心太太被報道影響心情？他稱太太應該只會「得啖笑」：「最緊要佢點睇我，其他人點睇都唔緊要。（你唔回應咪變默認？）唔講喇。（任由劉明軒繼續爆料？）冇辦法。（勸劉明軒向前望？）唔講喇！」
文：影視祖