JW完騷狂食脹卜卜

歌手王灝兒（JW）、衛詩（Jill）及組合A2A等昨日出席《COACH淡香水發布會》，早前為個唱積極減肥的JW已打回原形，她坦言完成個唱後到了柬埔寨旅行：「每日就係可樂、薯片、飯係咁食，嗰度好多咖喱可以送飯食，跟住我就脹爆咁番嚟。」又透露下星期會飛去韓國旅行，定必再放縱飲食，故現時要攝時間做Gym。而正努力減肥的Jill表示現時每日只吃菜及蘋果，並會與姐姐衛蘭互相鼓勵。提到減肥成果比姐姐明顯？Jill笑說：「唔知點解，佢細個塊面都圓啲。」