胡杏兒心急造人搵多仔婆取經

藝人胡杏兒昨晚出席時裝騷，揚言心急造人，問是否隨時準備？她說：「都要準備，調理身體先，完成埋手頭工作，會全力以赴。（有冇計生咩生肖BB？）冇，再等唔得，我哋都唔細，老公好心急，佢成日話唔係想生就生咁易，所以男女都冇所謂。（長輩恨抱孫？）長輩心急，其實我自己都好心急。」她希望生多幾個B夠熱鬧，更笑稱會向三子之母陳茵媺取經。