嘉穎天華風雲際會喪推工作
鄭嘉穎、謝天華等昨日出席《風雲5D音樂劇》記者會，兩人為了音樂劇需要長時間綵排，問到是否少了其他工作機會？熱愛挑戰的他們坦言無法用錢衡量，嘉穎更透露為了音樂劇而推了內地劇。
《風雲5D音樂劇》昨日舉行記者會，主要演員鄭嘉穎、謝天華、譚耀文、黎耀祥、閻奕格、胡琳、鄭丹瑞、製作人陳淑芬、漫畫家馬榮成等出席，胡琳及閻奕格更即場合唱音樂劇其中一首重點歌曲《天意弄人》。之後眾人進行拉卷軸儀式，宣布音樂劇將於明年4月在紅館舉行6場演出，陀飛輪手錶品牌萬希泉亦送上兩款特別設計的陀飛輪手錶給主辦單位，最後眾人切蛋糕及舉杯祝酒，預祝音樂劇大賣。
壓力來自特別效果
飾步驚雲的嘉穎及演聶風的天華齊齊受訪，問到跟之前的作品比較可會有壓力？天華表示：「（壓力）唔係嚟自呢度，始終今次係舞台劇形式，唔係電視劇或電影，係另一種演繹方法。壓力反而係嚟自特別效果，所以綵排時間要耐啲，同埋要應付好多武打、舞蹈同唱歌。」提到有打鬥場面，問嘉穎可怕弄傷舊患？他稱：「都冇計，有咁大嘅挑戰點都去做。」
今次演出需要長時間綵排，豈不是少了賺錢機會？天華說：「有啲嘢某程度上係要犧牲，舞台劇始終同其他表演係唔同，唔成正比，用好多時間綵排，但公演可能只得幾場，所以唔可以用錢衡量。」嘉穎亦稱：「如果純睇錢好多人未必會做（舞台劇），拍一套內地劇時間短好多，錢又多好多，但劇集幾時都有得拍，呢啲project好少有，所以應該好好把握。（推咗幾多套劇？）好難計，因為你接咗一部另一部就唔會接到，所以點都係推一部。」
文：音樂組