李克勤契仔歸位（目及）中劉穎鏇

被稱為無綫「契仔」的李克勤由環球轉投英皇後，即歸位為港姐擔任表演嘉賓。問到重返無綫有何感覺？他說：「其實上年都有入過嚟，但已經有兩年冇做港姐，最後做嗰屆係陳凱琳攞冠軍，依家返嚟感覺好似名正言順，講嘢唔使諗咁多，可以維持個緊密關係。」

破戒食甜品

太太是前港姐冠軍盧淑儀，克勤自然對港姐有情意結及眼光，問到今屆心水佳麗？他說：「(2)劉穎鏇、(6)馮盈盈、(7)陳雅思，都係眼緣。劉穎鏇夠高有着數、斯斯文文，幾Sharp醒，但係都要睇佢哋臨場表現，今年比賽應該幾刺激。（你係港姐專家？）唔係，92年後唔敢亂望。（太太有冇留意港姐？）佢年年都睇。（兩個仔有冇睇？）佢哋未識睇，細路仔唔好睇泳裝住，不過佢哋都知道媽咪係港姐。（太太同你邊個眼光準啲﹖）一定係佢準過我，男人同女人睇女仔唔同。」

劉穎鏇獲李克勤睇好感到開心，問到被視為大熱會否感壓力？她說：「有啲，係緊張自己嘅表現，希望有最佳狀態，決賽做到最好。（有咩方法減壓？）保持平常心，我冇跳舞底，要記好啲舞步減少出錯。父母都叫我平常心，問答環節唔好口窒窒。」為決賽備戰的劉穎鏇積極戒口keep fit，但難忍口有「偷食」：「愈嚟愈難忍口，唔會食太多，有偷食甜品、芝士蛋糕，父母又買糖水畀我消夜，食完好開心。已經同班女仔約定，無論結果係點，選完會食番一大餐。」

單文柔（左）與代蓮曦丹美深得網民歡心。	馮盈盈希望打破傳統，試戴后冠仍能奪魁。	港姐專家李克勤向候選佳麗教路。

單文柔得寵

之前綵排曾試戴膠后冠的馮盈盈說：「雖然扮繞場一周，但心情都好激動眼濕濕，如果真係攞冠軍直情會喊出嚟。（試戴后冠通常冇冠軍？）係o架？我嗰個道具嚟咋！膠嚟o架！唔緊要，希望打破傳統。」

另外，《東網巨星》在fb推出的《港姐任你Like2016》第二階段「拉票各出奇謀」截至昨晚七時，三甲形勢明朗化，(10)單文柔繼續領先、(4)代蓮曦丹美及(6)馮盈盈盈緊隨其後，單文柔說：「條片我用咗好多心機拍，未like請大家快啲畀like啦！」代蓮亦說：「短片係自己拍同埋剪出嚟，希望大家畀like我。」

文：影視組