揀個Lucky No. 7、4、14最受歡迎
在過去十期六合彩攪珠中，截至本月四日的賽果，原來(3)經常榜上有名，出現次數足足有五次，其次是曾出現四次的(20)，緊隨其後的有(14)、(34)和(46)，同樣出現過三次。藝人心目中亦各自有心水號碼，當中大部分藝人以(4)為心水號碼，而(7)和(14)亦是熱門號碼。
吳業坤
歌手吳業坤笑言中秋金多寶在9月開彩，所以會買(9)：「加上我生日係『4』月『18』號，Lucky No.係(7)，以前學號係(28)，會買齊呢組號碼。如果一票獨中一定會捐錢，然後買樓送畀媽咪！」
傅穎
歌手傅穎的幸運號碼是(9)，她說：「亦有人幫我計過幸運數字唔知係(4)定(7)，所以我會買(4)、(16)、(17)、(36)、(37)、(48)。中咗會捐錢做善事，另一部分錢就留啲嚟買樓同投資出歌、拍MV。」
鄭希怡
９月生日的歌手鄭希怡希望好運齊來，她表示會買七個字：「我會買(1)、(2)、(3)、(4)、(5)、(6)，特別號碼就買埋(7)啦！」
朱千雪
藝人朱千雪的幸運號碼是(6)和(28)，她說：「係我嘅出生日期，會買呢兩個號碼。如果咁好彩中咗，我會捐啲出去，跟住買樓，再同家人去旅行。」
林雅詩
藝人林雅詩以(4)、(14)、(44)為心水號碼：「因為(4)係幸運號碼，中咗獎會幫囝囝成立基金。」
張名雅
今日結婚的張名雅旺財號碼是(9)，她說：「所以結婚日期係九月九號，(9)係幸運號碼，必買呀！」