莊思敏讚「未來妹夫」攞滿分
莊思明和楊明拍拖以來一直打得火熱，更被拍得睇樓疑似築愛巢，思明的姊姊莊思敏曾多次公開稱讚「未來妹夫」，似乎楊明氹得莊家上下非常開心！思敏昨日接受電話訪問，繼續狂讚楊明：「勤力、細心，對我個妹又好，直到依家都係非常滿意！（畀幾多分？）10分，滿分！」
她又笑言要思明盡快出嫁：「如果佢要嫁，嗱嗱臨呀！（唔驚畀阿妹爬頭咩？）不嬲有加把勁，呢啲嘢冇得驚，話唔埋！（阿妹有冇介紹男仔畀你識？）就係冇！不過呢啲好講緣分。（想要咩男仔？）我擇偶冇講話要咩樣、幾高、幾重，最重要係有上進心，明白我嘅工作，大家溝通到。」