傅明憲帶父母闖冰川

傅明憲的父親傅奇和母親石慧是昔日的著名電影明星，石慧當年被譽為「長城三公主」之一，保養得宜的她，至今依然雍容華貴，與丈夫傅奇已定居加拿大，傅明憲跟兩老關係儼如朋友，她每年會到加拿大幾次探望父母。

賞湖光山色

上月是石慧的生日，傅明憲為氹母親開心，安排了特別節目，帶父母前往Yoho National Park看冰川，當地湖光山色，風景宜人，不少人會孭着背包往紮營感受大自然。傅明憲說父母身體壯健，為方便同行的親友們，故選擇較輕鬆的路線：「二十年前我曾經嚟過，今次特別帶父母同親戚嚟，呢度冬天會封路，夏天先開放，我哋仲企喺冰川上面，十幾度唔算太凍，好啱老人家嚟，空氣又好。」

冰川留影	傅明憲帶媽咪石慧去睇冰川。	昔日「公主」 石慧

公路遇黑熊

由於溫室效應，傅明憲聞說冰川較一百年前已縮減不少，她說：「其實當地政府已經做好多嘢，佢哋喺高速公路上起咗八條橋，畀動物過馬路用，啲動物就唔會亂闖入高速公路被撞，建造每條橋要二百萬加幣，又要不時修葺，仲係冇回報，我覺得淨係加拿大先肯做！」途經公路時，傅明憲還看見黑熊。此外，愛動物的她看到一大片草地，令她很掛念家中的愛犬，認為愛犬看到草地一定很開心！

傅明憲四出遊覽時在公路旁發現黑熊。

黑熊

文：名人組