藝人陸浩明昨日擔任「第16屆香港鞋款設計比賽」頒獎典禮大會司儀，完騷後被不少粉絲要求合照，他笑言全靠與肥媽合作的節目帶挈，令粉絲層面擴大。他稱：「我去街市有好多印尼、泰國同菲律賓姐姐都認得我，會叫：『個衰仔吖！』婆婆輩都好鍾意我，佢哋雖然唔煮飯，但鍾意睇肥媽鬧我。」
陸浩明又稱家中收藏近40對鞋，問到是否為此「支出龐大」？他說：「如果係皮鞋，唔介意買貴啲，因為可以着好多年，但有啲波鞋炒到四千蚊，除非真係好鍾意，否則唔會買。」
