石詠莉呻水太熱鄧健泓搵救「冰」

歌手石詠莉（Sukie）將於10月9日假九展Star Hall舉行處女演唱會，近日忙於練歌的她卻捱出病來。記者日前在尖沙咀某商場發現鄧健泓一支箭衝入美食廣場，原來去搵未婚妻Sukie。戴上口罩的Sukie獨自坐在一邊，見她不停打開藥袋攞藥食，鄧健泓見未來老婆冇水食藥，即問食店職員攞滾水，可惜水太熱，搞到Sukie扁嘴詐型說：「好熱，點飲？」鄧健泓再次起身問店員攞冰，為一杯水來回兩次，認真唔話得。