高海寧晒34D唔使問准男友

高海寧（高Ling）、許廷鏗（Alfred）、王子涵（Ada）及麥長青前晚於尖沙咀出席「譽宴．星海揭幕典禮及酒會」。提到高Ling日前在社交網上載噴血度爆燈的「出水芙蓉」短片，她坦言為了效果靚，拍攝近10次：「要夾，個嘴要合埋，水花又要靚，效果出嚟先會靚。」又指為了拍劇而學游水。

搵專業教練學游水

問到上載短片前可有問准男友？高Ling稱沒有男友，並說：「我唔使問任何人，我可以好有自主權咁決定自己做啲乜嘢。」她又指很多人看過後都留言讚靚。問到緋聞男友鄧智偉可有讚她？高Ling笑稱：「佢冇特登send message嚟讚我喎。（叫佢教你游水？）我搵咗專業嘅游水教練，會學得快啲，同埋我嚟緊想學潛水，學完游水先學會好啲。」

Alfred喪收紅色炸彈

作為代言人的Alfred與Ada以新郎及新娘的打扮現身，Alfred透露近日收到很多紅色炸彈，但自己不心急結婚。Ada被問憧憬甚麼婚禮？她說：「我啱啱諗到可以玩beach wedding，着比堅尼嘅。（對身材有信心？）到時會積極減肥，始終一生人一次，我會去到最盡，減到最完美為止。」

高海寧夾在麥長青（左）與許廷鏗中間，形成一個「嬲」字。	高海寧晒34D身材，網友睇到流鼻血。	許廷鏗與王子涵扮新郎新娘切蛋糕。

文：音樂組

攝：吳文聰