楊受成電賀讚華人之光

與成龍情同手足兼是長期合作夥伴的英皇老闆楊受成，昨日直言打了兩次電話給身在台灣開工的成龍，大讚對方成就非凡，楊受成說：「佢能夠得到奧斯卡終身成就獎，係咁多年嚟不斷努力嘅成果，非常之為佢驕傲，係華人之光！」楊受成還指成龍的成就是「前無古人」：「成龍今日嘅成就，可謂前無古人，不過，後有無來者，我就唔敢講，不過，要超越成龍嘅成就真係一件好困難嘅事。」成為首位華人獲此殊榮，當然可喜可賀，楊受成揚言正聯絡曾志偉，想與志偉一齊為老友成龍搞一個盛大派對慶祝一番。