JW處女個唱拋胸趷籮
歌手JW（王灝兒）前晚在九展舉行處女演唱會，獲父母、緋聞男友Mark、歌手鄧紫棋、何超蓮、許廷鏗、胡鴻鈞、鄭融及糖妹等捧場，邀得周國賢任嘉賓，首度踏上Star Hall舞台的JW大騷豐滿上圍，全晚換了多套低胸露波罅連身裙，同時又與女舞蹈員大跳大唱，期間做出趷籮、趴地、擘腳及揈頭髮等誘惑動作。
JW除了多謝日前去世的爺爺外，更答謝前經理人公司老闆黎明，她說：「如果唔係佢都唔會入行。」問到為何不多謝緋聞男友Mark？JW即澄清對方只是朋友，她說：「佢係我朋友，今晚有好多朋友嚟睇我，好多謝佢哋。（即係依家冇拍拖？）暫時未。」
