單立文爭做床上運動員
藝人黎耀祥、林夏薇、岑麗香、周柏豪、小儀、單立文與老婆胡蓓蔚等前晚為無綫遊戲節目《我愛香港》擔任錄影嘉賓。小儀出場攬實曾志偉，錢嘉樂笑說：「小儀係余文樂嘅，唔好搞阿嫂呀！」單立文則與老婆一唱一和不停講鹹濕笑話，胡蓓蔚笑說：「我平時唔畀佢鹹濕。」單立文笑說：「所以佢仲係處女。」胡蓓蔚說：「今日仲係。」之後單立文又搞事說：「我都係運動員，我係床上運動員。」
黎耀祥演出的《公公出宮》力壓大熱劇《城寨英雄》，依然是今年的劇集收視冠軍，他笑說：「咁筍？以為被《城寨》過咗添！」對於今年的劇集收視三甲皆屬胡定欣做女主角，問到黎耀祥可覺得她奪視后呼聲高？他笑說：「我都覺佢走勢好好，人都要講運氣嘅，佢今年氣色好好。機會都大嘅，佢幾個角色都有好大變化。」至於林夏薇回應有指她的老公曾追陳慧琳、鍾嘉欣不果，她否認說：「佢向來低調，唔鍾意面對鏡頭，知情人士啲料好流。」
