麥明詩懶理林作唔見冇所謂

寨卡病毒肆虐巴西等美洲國家，香港前日更出現首宗外地傳入感染個案，因此無綫一班奧運主持完成採訪返港後，陸續獲公司安排身體檢查。港姐麥明詩（Louisa）、韓毓霞與陳恩能（丹尼爾）等昨日回港，一人推着幾個行李篋的Louisa略顯疲態，連肚都扁埋！談到男友林作指要隔離她一段時間，她即豪言：「冇所謂！（反正都唔見？）係反正我瘟瘟燉燉，想返屋企休息先，聽日同後日要做金牌得主來港，之後又要拍嘢。（佢有冇搵你？）不嬲都有正常溝通。（報咗平安？）佢都係睇新聞。」似乎兩人情海依然翻波！

約唔到何浩文

談到力追她的何浩文表示會約她撐枱腳，問到男方可有行動，Louisa說：「佢話大班人食，但約極都約唔到。（覺得佢冇心追你？）咁唔知喇！你問番佢啦！」又指家人工作忙，故沒有人接機，最後乘坐機鐵回家。Louisa媽媽何小娟前晚接受電話時就表現擔心，直言今次是女兒最令人擔心的一次出埠。談到Louisa完成工作後才檢查身體，問到會否勸及早檢查，相信無綫安排的麥媽媽說：「好似佢哋未去巴西之前都有安排去衞生署度上堂同打疫苗。」又指雖然未能接機，但晚上會親自下廚慰勞Louisa：「整佢從細就最鍾意食嘅白切雞。」

韓毓霞（左）、麥明詩與陳恩能完成採訪工作齊齊返港。	麥明詩冇人接機，獨自搬行李上機鐵返閨。	麥明詩

另外，拍檔陳恩能直認在巴西曾被蚊叮耳背：「驚完就冇嘢！（抵港後需要檢疫？）冇！（咁離開巴西呢？）巴西就梗係……」昨日在飛機過生日的他被問到會否自我隔離「慶祝」，他笑言會做足安全措施：「爹哋媽咪都嚟咗接機。」至於韓毓霞則未有被蚊叮，但返港後會繼續用蚊怕水一段時間。

文：影視組