羅孝勇談善言 餐飲區掃街

各位slider玩完十米高的滑水梯及其他玩樂設施後消耗不少體力，當然要去醫肚，場內的餐飲區設有超過十間小食檔，海鮮、串燒、雪條等包羅萬有，藝人談善言與羅孝勇（Sheldon）日前到場玩樂一番後，亦去「掃街」補充體力，二人大讚「透心涼」的西瓜球汁夠爽：「好天然，有得飲，又好似食緊沙冰咁！」又指「優營會」的沙律最適合要喼弗的女士。談善言自認為食之人：「啲朋友笑我嚟呢度最開心係可以玩完就食。」Sheldon則自爆飲食怪癖：「食完煎炸嘢，為咗健康番啲，會食Double嘅菜，溫和番個熱氣，但其實咁會肥啲。」而會場內設有小型人造沙灘，讓大家可在中環鬧市中曬日光浴，平日愛去沙灘的Sheldon說：「呢度有種好唔同嘅感覺，好有Holiday Feel！」