張惠雅心郁 借種生B

夏日盛事「Slide The City Hong Kong 香港站 2016」正在中環海濱活動空間舉行，活動連續五晚舉行不同主題及演出陣容的「Sound of Hong Kong」音樂會，前晚主題為「追夢者」，由羅孝勇、張惠雅（Regen）、柳妍熙、蔡立兒、安俊豪、何弘軒、男子組合ReVe等接力獻唱，吸引不少歌迷捧場。

Regen抱恙現身，問到可會放假休息？早前到大阪旅遊的她透露，9月是自己及媽媽生日，故打算與媽媽遊韓國，並帶她落酒吧識韓國Oppa，問她可想識個Oppa？即將28歲的她笑說：「朋友開始生BB，有BB感覺好正，所以睇吓下年會唔會有，或者去韓國借種，都係唔好喇，喺香港借。」

柳妍熙騷腿 ReVe晒麒麟臂

至於以背心熱褲騷腿上陣的柳妍熙笑言這樣打扮較涼爽：「雖然戶外熱，但夜晚都OK，希望可以參加多啲。」而日前她到場內的人造沙灘享受陽光，被問到只作少許低胸打扮，她乘機Sell本月底推出的古巴寫真書：「想睇我性感可以睇本書。」

柳妍熙晒長腿演出，笑言較涼爽。	蔡立兒希望可以讓新舊樂迷再次認識其聲音。	男子組合ReVe落力跳唱。

而右手受傷的安俊豪如常演出，他指九月底出新歌要影相，故現時努力減肥：「但整親做唔到運動，惟有靠節食，依家172磅，想減多廿磅。」至於壓軸出場的ReVe施展麒麟臂，又唱又跳，炒熱氣氛，他們大讚戶外騷好玩，有氣氛又可跟觀眾有較多互動。

文：音樂組　

攝：劉斌