伍詠薇「浴搏」恰小春嗌爽

伍詠薇、陳小春、譚詠麟與戚美珍等日前宣傳新片，伍姑娘與陳小春在片中飾演夫妻，開工首日便上演廁所共浴戲，直呼尷尬！問到是否僅以浴巾上陣？伍姑娘笑說：「我怕冇圍浴巾，小春會冇心機拍。」小春笑言於片中被伍姑娘狂鬧，伍姑娘即笑言欺負小春太開心：「佢喺出面好威猛，但背後就畀我呼喝變小男人。」小春又笑言忙於接下譚詠麟的爆肚演出：「佢拍圍戲時成日爆啲Gag出嚟，估佢唔到！」