釘姐被調戲鬧古仔乞人憎
佘詩曼繼兩年前憑無綫劇《使徒行者》的「超視后」級演技感動觀眾後，今年在大銀幕再度呈現經典角色「釘姐」，為求突破，她直認壓力大：「驚今次衝破唔到！」比劇集版有更多動作戲的她，坦言搞到周身傷晒，連頸項的舊患亦再度復發，認真落力！
藝人佘詩曼在《萬千星輝頒獎典禮2014》中，憑無綫神劇《使徒行者》中「釘姐」一角奪得「最佳女主角」及「最受歡迎電視女角色」兩大獎項後，今年以同一角色勇闖大銀幕，誓要再創經典！不過，曾以「超視后」級功力演繹喪母爆喊情節而觸動觀眾的她，坦言再演「釘姐」感壓力：「因為之前太受歡迎，驚今次衝破唔到。」幸而電影由劇集監製文偉鴻親自執導，所以相當放心：「今次『釘姐』都係『釘姐』，會保留番啲性格，但又加好多電視冇嘅元素，好似動作場面、槍戰、飛車咁。」問有否因動作場面而搞到周身傷，她說：「損晒、瘀晒，頸個舊患又復發，好在依家好番晒！」她坦言頸傷易翻發，故要好好保護。
鎮宇咀得投入
談到吳鎮宇早前笑言與她的咀嘴戲「連電視尺度都不如」，問是否「同情」對方？她笑說：「有冇咁嚴重呀！」又指鎮宇拍攝時非常投入：「戲裏戲外都好投入，我好鍾意呢種感覺，好完美主義。」至於老拍檔古天樂，她指雙方今次有大量搞笑戲：「幾乞人憎！會整蠱、調戲我，又要我着T-back。」而她與韓國性感女神李成敏（Clara）亦傾得埋，十分老友：「但我唔會對佢嘅身材好奇，可能男士會着重啲！」
期待製作新戲
最近開了工作室的她，希望繼續拍戲，以發掘新的自我，若有機會都想有自己的製作。談到感情狀況，她例牌避談：「我依家生活好開心！我覺得感情隨緣，要嚟嘅時候擋唔住，但又唔可以強求。」
場地：柏寧酒店
化妝：Katherine Lo
髮型：Lorraine Lam @ hair culture
服裝：ST. STUDIO
文：影視組
攝：吳文聰