樂基兒：唔會再婚生BB

樂基兒昨日在北京出活動，為賺人仔勤練普通話。

樂基兒（Gaile）昨日現身北京出席手錶品牌Movado新錶系列Edge的發布會，同場還有內地華鼎獎最佳男演員楊爍。穿上紅色連身褲的Gaile在台上以普通話跟大家打招呼，心情大好。將於下周一（22日）36歲生日的她，將返美國老家與家人慶祝，問到生日願望？她說：「希望個個人都開心，我自己依家就好開心，享受生活！」

愛好網上分享

談到感情生活，Gaile表示跟男友Ian感情很好，早前她在社交網站上載與男友擁抱照，似是愛得愈來愈高調，她笑說：「我唔介意post同男友相，但唔會成日post，我只係好鍾意嗰張相個感覺，我鍾意喺網上分享自己感受，好似同男友一齊做瑜伽。（咁開心會唔會再結婚或生小朋友？）我一定唔會再結婚生小朋友，冇興趣，呢兩樣嘢唔喺我人生計劃裏面。（同男友有共識？）冇同男友講到咁遠，純粹我自己唔會。」

樂基兒與內地演員楊爍惺惺相惜。

樂基兒與男友Ian愛得愈來愈高調。

發展內地市場

Gaile又透露剛轉了新公司，跟同為前「天王嫂」的熊黛林（Lynn）同公司，Gaile說：「呢個名（天王嫂）係記者講，大家都係一齊做嘢。（Lynn就快結婚？）恭喜晒！」Gaile表示有學普通話，有興趣發展內地市場，問到是否想賺人仔（人民幣）？她笑說：「冇話一定要搵人仔或者美金，我自己鍾意設計，都有少少藝術家性格，工作都需要熱情，唔係淨係為錢，不過錢當然都重要。」