李海清唱盡辛酸：有人嚟問價！

15歲入行做模特兒的李海清（JoJo），皮膚白滑兼擁有32D身材，經常獲讚貌似芭比公仔。喜歡音樂的她近年轉型做歌手，選擇「由零開始」做酒吧駐場歌手吸取實戰經驗，終於愈來愈多機會出埠登台，人氣與實力慢慢累積。

終極目標開個唱

講到在酒吧獻唱的辛酸史，JoJo坦言經常被人看不起：「好多人問我做咩喺呢啲地方唱歌，但我每次都唱現場冇得NG，係好好訓練。（有唔開心經歷？）有人踩唱得唔好，又有人叫我陪飲酒，我都會酌量飲一、兩杯，甚至有人走埋嚟問價，但我唔會理佢哋！以前梅艷芳、許志安都唱過酒廊，我算得啲咩。」

愈唱愈好的JoJo經常獲邀返內地及星馬等地獻唱及打碟，儲下不少Fans，更有熱情Fans一早到達表演場地舉牌支持，令她非常感動。講到事業目標，她透露最近推出第一首個人歌曲：「係電子舞曲類，終極目標係開個唱，我應承咗歌唱老師，到時會請佢嚟睇！」

李海清強迫自己做防曬，Keep住一身白滑肌膚。	李海清希望唱一個屬於自己的演唱會，粉絲等你啊！	李海清最愛踩單車，操Fit之餘又可周圍去。

踩單車操Fit

自爆曾是肥妹仔的JoJo近年愛上運動操弗，喜歡踩單車、打羽毛球、游水及溜冰，但笑言為保白滑肌膚，每次做戶外運動都會做足防曬：「我有少少強迫症，搭車有太陽曬住都要開遮。」現時單身的她自誇異性緣不俗，自小六便開始拍拖，現時亦不乏追求者，雖然暫時想專心事業，但她又忍不住說：「可唔可以搵人要我？」非常搞笑！

李海清（JoJo）Profile

年齡：25歲

身高：1米68

三圍：32D、24、36

文：立影

攝：司徒國榮