陳柏宇被迫食「屎片」
歌手陳柏宇（Jason）日前出席歌迷聚會暨生日派對，並獲歌迷送上蛋糕，但玩遊戲時卻被安排食「屎片」朱古力，搞到要邊食邊反白眼！歌迷又特別炮製Jason入行至今的造型短片，片末更找來Jason的模特兒女友符曉薇送上祝福！
Jason透露早前生日原本要錄音：「不過嗰日病咗，同女友係屋企煮飯食。（扮病唔錄音？）唔係，連上天都覺得生日唔應該開工，要我真係病。」將於下年與女友拉埋天窗的他，透露獲對方送上iPad作為禮物：「原本我話出糧先買，點知佢買咗畀我，係開心，不過我哋依家好慳，盡量唔買咁多嘢。（婚禮要大搞？）睇吓到時儲到幾多錢。」
