朱潔儀撐港隊戰衣唔失禮
藝人朱潔儀（Donna）和梁小冰昨日到中環出席時裝店開幕禮，Donna稍露事業線，優雅中見性感。提到奧運，她說：「早排有男性朋友邀請我去巴西睇奧運，但我怕當地治安危險，冇去，睇電視一樣咁精彩，香港單車運動員李慧詩同中國女排，令我好感動，我亦都鍾意靚仔德國體操運動員阮馬素。」
提到電台主持蘇施黃指香港乒乓球運動員黃鎮廷是「瞀里」（茂利），唔扣衫鈕好「喱啡」，又指香港隊單車服肉酸，Donna說：「我都做過校隊，運動比賽期間衫鈕鬆開，係有咁嘅可能性，運動好難同時兼顧形象。至於單車隊衣，之前都有講過係隱身戰衣式設計啦！」同場的梁小冰則自爆肥咗，她說：「我返內地做嘢，接待單位安排大魚大肉，搞到我有少少雙下巴，我都想接多啲香港工作，有好多舞台劇、電影、電視搵我，但想拍番啲有突破嘅作品。」
