陳少霞上完婚前輔導變人妻

前藝人陳少霞日前低調下嫁擁八億身家的富商李文輝，昨日是她婚後首度亮相，擔任黎燕珊（Eva）主持的有線節目《往事．並不如煙之情書》的嘉賓。手戴巨型結婚鑽戒的少霞透露下月廿九日在馬會舉行婚宴，細節全交老公打點：「宴請好close嘅朋友同家人嚟。」談到求婚過程，她笑稱直接被老公邀請去婚前輔導：「佢話不如去上婚前輔導，我答佢：『好，上囉！』上完pass咗，負責嘅牧師仲開心過我哋。（求婚冇出動鮮花同戒指？）你估韓劇咩！」少霞又冧爆狂讚老公細心兼善良，她笑言女兒們已接受老公，婚後會留港生活。問會否為老公生B？她稱順其自然：「睇主畀唔畀。」再問會否考慮復出？少霞稱獲老公支持：「我冇刻意退出，有啱角色會考慮。」