與鄭俊弘傳緋聞苗彤：啱啱識唔算熟！

苗僑偉女兒苗彤被拍得與鄭俊弘夜蒲而傳拍拖，卻遭父親反對。身在福岡為港姐擔任攝影師的苗彤昨日接受訪問時，否認緋聞，並無奈稱二人只是剛相識：「前幾日透過何雁詩認識，都算係Friend，但唔算好熟。（爸爸唔開心你哋交往？）冇，如果係就第一時間打電話畀我啦！今次係我打畀佢，佢先話有人問過佢呢件事。」問到與鄭俊弘可有機會發展？苗彤說：「佢好Nice。（鍾意呢類型？）如果我話唔鍾意好似好衰咁，我只得廿幾歲，唔想拍拖住，專心事業。（爸爸干涉？）唔會，作為父親都會問吓個男仔係點，唔會唔准拍拖嘅！」