蘇韻姿劉穎鏇拋波震撼扣殺
【陳永峯福岡專電】《2016香港小姐競選》繼續在日本福岡拍外景，十位佳麗昨晨以運動Bra Top加短褲上陣打沙灘排球。(2)劉穎鏇拋波打球時D Cup跌蕩咪咪最吸睛，將「波平如鏡」的大熱佳麗(6)馮盈盈徹底揮低，而(5)蘇韻姿則大晒33C心形胸夾擊！
十名佳麗昨晨集齊櫻井二見浦沙灘為港姐拍攝沙排外景，當地電視台TVQ之九州放送節目《天神星期日》亦派出兩女主持採訪。擁有34.5D上圍的(2)劉穎鏇成為全場焦點，每一下拍球動作，胸前都顯得震撼，但其多辮髮型常遮着胸前事業線而被笑為「蠱惑的辮」。誰與爭「峰」的劉穎鏇在沙排場上睇得又打得，將上圍31吋、球技欠佳的(6)馮盈盈技術性擊倒，馮盈盈於場上頻失波，更食了三次波餅，徹底敗陣。
張寶兒晒排骨胸
唯一有能力狙擊劉穎鏇的，要數是擁有33吋上圍的(5)蘇韻姿，她憑甜美外表加托出心形胸，落力接球、扣殺，總算有點睇頭。其餘佳麗卻欠突出，(4)代蓮曦丹美表現落力，胸前只擠出小山丘，激瘦的(3)張寶兒更排骨胸盡現，相反(10)單文柔不時現出「三截肚」，大殺風光。
劉穎鏇受訪時表示讀書時除了排球都有打籃球，對於沙排拍攝表示開心又興奮：「好Relax，好似同成班朋友一齊玩。（身材成為焦點添信心？）自己減肥中，有好多改進地方，如果成功嘅話就會有信心！（惹妒忌？）唔會，每個女仔都有優點同突出嘅地方，我嘅自信心來自講嘢有冇進步，唔係身材。」她更讚其他佳麗有腹肌，記者笑她再練埋腹肌會很「屈機」，鬼妹仔的她即問「屈機」意思？她知道意思是「壓倒勝利」後即笑說：「唔係！我中文有待進步，想決賽前可以練到腹肌。」
去沙灘(目及)女學嘢
至於沒有運動底子的馮盈盈，打波時雞手鴨腳食「波餅」，她表示平日愛玩瑜伽和泰拳，問是否球類白癡？她坦承：「我好似攝石咁，啲波追住我嚟打，成日食波餅！（去沙灘睇男仔？）睇女多啲，學嘢嘛！（留意自己身材欠佳？）有！我都有留意(7)陳雅思嘅優雅氣質、代蓮曦丹美爽朗性格、劉穎鏇活潑個性同爽朗語調。（留意劉穎鏇身材？）佢身材當然吸引！」
文：影視組