影帝張家輝帶妻女shopping慳家執平衫

張家輝於日前下午4時多，與太太關詠荷及女兒張童（Brittany）一家三口於中環行街享家庭樂。身為影帝的他行完名店，再攻平民時裝店揀199蚊的平價衫，現場所見戴上cap帽的家輝右邊顴骨位貼上膠布，似是受了傷。當他揀完衫排隊準備付款時，女兒和太太現身會合。現年10歲的Brittany長高不少，愈大愈似媽媽，只見她雙手搭住爸爸膊頭，兩父女感情甚佳傾密偈，活潑的Brittany更紮紮跳滿場飛，和爸爸玩完又去搵媽媽睇衫。