所謂知己知彼，百戰百勝，想溝女一定要了解女仔嘅想法，之不過最能夠了解到女仔想法嘅亦正係女仔本人。是以，大家見到唔少女仔喺女性群當中，身份類似「男朋友」，但係與佢哋嘅性取向無關。寫真女郎淺倉結希就係呢種「男朋友」，更經常反串扮男仔搵食添！
因工作關係，小弟需要四圍搵日本寫真女郎介紹畀大家，而近期探索途中總係分神，點解？唔係小弟睇AV同自娛得多，搞到精神恍惚，難以集中精神，而係畀一輯寫真吸引住。呢輯寫真色彩艷麗鮮明，令人眼前一亮，更重要嘅係演出嘅女優夠晒標青，唔再賣關子喇，佢就係淺倉結希！
28歲嘅結希俏麗如花，標致嘅面孔上有一股令男人難以抵抗嘅甜美，甜度十足得嚟又唔會一味賣弄萌氣，秀麗氣質洋溢其中，係一位難得嘅美人兒。結希身材小巧而婀娜，有前有後，曲線誘人，一身晶瑩剔透嘅雪白肌膚令E奶吸引力大增！之不過，大家可能諗極都諗唔到，結希咁靚女性格卻相當男仔頭。
2007年結希因為升學嘅關係，由原居地秋田縣搬到東京居住，某一日，結希喺池袋行街時被藝能事務所星探發掘，繼而成為寫真女郎。之後，結希就好似普遍嘅寫真妹咁參加選美活動，包括「尋找！！Scholagirls」以及「日本Telegenic」。雖然結希與獎項無緣，但係亦無阻事業發展，更殺入電視界，除咗做電視節目嘅嘉賓以及拍劇之外，亦為娛樂資訊節目《大王之分歧》擔任記者。
結希為人友善又玩得，喺寫真界同電視圈都識到好多姊妹，更加擁有一個「淺倉王國」，結希就做國王，而「平民」就有寫真妹內田理央、中村知世，吉田桃子。稱結希做國王其實完全貼合其性格，因為佢真係幾男仔頭，鍾意喺姊妹圈當中擔任「男朋友」嘅角色，而近年結希活躍於舞台界，喺舞台劇《P4U2》當中反串扮演男角色白鐘直斗，其男性化打扮吸引到好多女仔支持，出到街更有粉絲讚佢靚仔添！
簡介：淺倉結希成日都會將自己演出舞台劇嘅幕後花絮，透過Twitter同大家分享，想知道結希喺幕後點樣搞搞震就要Click上去睇喇！
網址：https://twitter.com/a_ukitan?lang=ja
年齡：28歲
身高：5呎2吋
三圍：33E-23-33
撰文：賢